BMT Bosh Assambleyasi 10 may kuni Falastinning to‘laqonli a’zolik masalasini ko‘rib chiqadi
AQSh Birlashgan Millatlar Tashkiloti Xavfsizlik Kengashining Falastinning BMTga to‘laqonli a’zo bo‘lishini talab qiluvchi rezolyusiyasiga 18 aprel kuni veto qo‘yganidan so‘ng, ertaga BMT Bosh Assambleyasi BMT Xavfsizlik Kengashining ushbu masalani qayta ko‘rib chiqishi va Falastinga qo‘shimcha huquqlar berishini talab qiluvchi rezolyusiya loyihasiga ovoz beradi.
Anadolu agentligi (AA) tomonidan qo‘lga kiritilgan rezolyusiya loyihasi, bir guruh arab davlatlari vakili bo‘lgan Birlashgan Arab Amirliklari (BAA) tomonidan juma kuni BMT Bosh Assambleyasi ovoziga qo‘yiladi.
Rezolyusiya loyihasida qayd etilishicha, «Falastin BMT Nizomining 4-moddasiga muvofiq BMTga a’zolik mezonlariga javob beradi va shuning uchun BMT a’zoligiga qabul qilinishi kerak».
Rezolyusiya loyihasida BMT Xavfsizlik Kengashiga ushbu kontekstda masalani «ijobiy yo‘nalishda» qayta ko‘rib chiqish tavsiya etiladi.
Rezolyusiya loyihasi Falastinning Bosh Assambleya sessiyalarida, BMT organlari tomonidan tashkil etiladigan yig‘ilishlarda va BMT konferensiyalarida ishtirok etishini ta’minlash uchun muayyan qoidalarni qabul qilishga chaqiradi va buni «istisno va pretsedentsiz» amalga oshirishni so‘raydi.
Rezolyusiya loyihasi Iqtisodiy va Ijtimoiy Kengashni ushbu kelishuvlarni «Kengashda Falastin ishtirokisiz» amalga oshirishga chaqiradi va buni BMTning boshqa organlari, maxsus agentliklari va BMT tizimidagi tashkilotlariga ham tatbiq etishni talab qiladi.
