Ar-Riyod Rossiya aktivlarini himoya qildimi?
![Ar-Riyod Rossiya aktivlarini himoya qildimi? Ar-Riyod Rossiya aktivlarini himoya qildimi?](/photos/news/lTldEMFRfWbBjjN.jpeg)
Saudiya Arabistoni G7 davlatlari muzlatilgan Rossiya aktivlarining qariyb 300 milliard dollarini musodara qilsa, Yevropadagi qarzining bir qismini sotishi mumkinligiga ishora qildi, deb xabar beradi Bloomberg.
Nashr manbalarining qayd etishicha: «Katta yettilik» davlatlari dastlab Belgiya va AQShdagi depozitariylarda saqlanayotgan Rossiya aktivlarini to‘liq musodara qilishni rejalashtirgan. Biroq Saudiya Arabistoni kutilmaganda Rossiyani himoya qildi, deb yozadi agentlik.
✍️ Unga ko‘ra, Qirollik Moliya vazirligi Ukrainaga yordam berishga qaratilgan musodaradan noroziligini bildirgan. Bundan tashqari, Ar-Riyod, agar Evropa Ittifoqi musodara qilishga rozi bo‘lsa, Evropa obligasiyalarini sotish bilan tahdid qildi.
Saudiya Arabistoni evro va frantsuz obligasiyalariga katta miqdorda sarmoya kiritgan. Qarz majburiyatlarini rad etish qisqa muddatda evro kursini qulashi mumkin.
Biroq, Bloomberg maqolasida qayd etilishicha, Saudiya Arabistoni sarmoyasining o‘zi Yevropa siyosatini o‘zgartirish uchun yetarli bo‘lmasligi mumkin, ammo boshqa davlatlar Ar-Riyodga ergashsa, vaziyat o‘zgarishi mumkin.
Bloomberg shuningdek, Ar-Riyodda qimmatli qog‘ozlar bozorini butunlay beqarorlashtirish uchun hali ham yetarlicha Yevropa obligasiyalari yo‘qligini ta’kidlaydi. Biroq Yevropa rasmiylari Xitoy yoki Qatar kabi boshqa davlatlar Ar-Riyod misolidan ilhom olib, o‘z aktivlaridan voz kechishni boshlasa, domino effekti yuzaga kelishi mumkinligidan xavotir bildirdi. Bunday stsenariy Rossiyaga qarshi sanksiyalar bilan murakkablashgan Yevropaning iqtisodiy muammolarini yanada kuchaytirishi mumkin.