Angliya shahzodasi koronavirusdan xalos bo‘la olmayapti

Angliya shahzodasi Charlz garchi koronavirusdan tuzalib kasalxonani tark etgan bo‘lsa-da, asoratlar hanuz saqlanib qolganidan shikoyat qilmoqda. Kuni kecha u shu haqda Gloster shahridagi davlat shifoxonasi vrachi bilan gaplashdi. Suhbat davomida aytdiki, shahzodaning hid va ta’m bilish imkoniyatlari hanuz ortga qaytmabdi.

Shifoxonaga shahzoda bilan birga gersoginya Kornoulskaya Kamilla tashrif buyurdi. Ular mamlakatda karantin e’lon qilingandan beri ilk bor ko‘chaga chiqishibdi. Ahamiyatli jihati shundaki, shahzoda va rafiqasi shifoxona vrachlari, hamshiralari bilan suhbat davomida talab qilingan ikki metrlik masofaga sodiq qolishdi.