Юзлаб фермерлар ҳибсга олинди

Ҳиндистон шимолидаги Панжоб штатида полиция юзлаб фермерларни ҳибсга олди. Бир йилдан кўпроқ вақт давомида ҳосил нархини меъёрига келтириш талаби билан намойиш ўтказиб келаётган фермерларнинг чегара ҳудудидаги муваққат қўналғасини бузиш учун бульдозерлардан фойдаланилди.

Деҳқонлар ўтган йил февраль ойидан бери қўшни штат Харьяна билан чегарада бошпана қурган. Хавфсизлик кучлари эса ҳосил давлат томонидан кўпроқ қўллаб-қувватланиши учун қонуний кафолат талаб қилаётганларнинг пойтахт Нью Деҳли томон юришини тўхтатган.

– Куч ишлатишнинг учун ҳожати бўлмади, чунки қаршилик кўрсатилгани йўқ, – деди юқори мартабали полиция ходими Нанак Сингх чоршанба куни кечқурун “ANI” ахборот агентлигига тозалаш амалиёти ҳақидаги савога жавоб бераркан. – Фермерлар ўз ихтиёри билан автобусларга ўтиришди.

Қўшимча қилинишича, намойишчилар олдиндан огоҳлантирилган. Телевидение тасвирида бульдозер ёрдамида бузилган чодирлар ва саҳналардан шахсий буюмларини транспорт воситаларига ортиб кетаётганларни полиция кузатиб бораётгани аск этган.

ОАВ хабар беришича, юзлаб ҳибсга олинганлар орасида қўзғолон етакчилари Сарван Сингх Пандер ва Жагжит Сингх Даллевал ҳам бор. Даллевал бир неча ой давомида муддатсиз очлик эълон қилгани учун тез ёрдам машинасида олиб кетилган.
– Бир томонда ҳукумат фермерлар ташкилотлари билан гаплашяпти, иккинчи томонда уларни ҳибсга оляпти, – дейди “Bhartiya Kisan Union” фермерлар гуруҳи вакили Ракеш Тикаит.

Одамларни кўчиришга кўрсатма берган Панжобнинг ҳукмрон “Aam Aadmi Party” (AAP) партияси фермерларни қўллаб-қувватлашини билдириб, шикоятни федерал ҳукуматга етказишни сўради:

– Панжоб манфаатини ҳимоя қилиш учун бирга ҳаракат қилайлик, – дейди штат вице-президенти Тарунприт Сингх Сонд. – Асосий йўллар ёпилиши штат иқтисодиётига зарар етказмоқда. Магистрал йўлларни ёпиш ечим эмас.

Бош вазир Нарендра Моди ҳукумати 2021 йил бир неча ой давомида Деҳли ташқарисида жойлашиб олган фермерларнинг 12 ой давом этган норозилигидан сўнг, қишлоқ хўжалигига оид айрим қонунларни бекор қилишга мажбур бўлганди.

– Федерал амалдорлар чоршанба куни фермерлар раҳбарлари билан учрашди, – деди Панжобдаги Бҳаратия Жаната партияси (БЖП) вице-президенти Фотиҳжунг Сингх Бажва ижтимоий тармоқ орқали. – Бу ҳаракат, яъни қўлга олиш амалиёти фермерлар ва БЖП раҳбарияти ўртасида давом этаётган мулоқотни бузишга қаратилган, қасддан қилинган уриниш эканлиги аниқ.