"Ўзимизнинг йигит-ку бу": Тошкентда ЙПХ ходими қоидани бузган ҳайдовчини қўйиб юборди
Жорий йилнинг 10 сентябрь куни соат 12:00 ларда, Тошкент шаҳар, Мирзо Улуғбек тумани, Шаҳриобод кўчасида ЙПХ ходими О.Шокиржонов томонидан "Матиз" русумли автомобиль ҳайдовчиси, бошқарув вақтида хавфсизлик камаридан фойдаланмаганлиги ҳамда йўл чизиғининг талабига риоя қилмаганлиги боис тўхтатилган.
Ўзаро мулоқот вақтида жараёнга ЙПХ ходими Ш.Нуралиев аралашган ва ҳайдовчига ўрнатилган тартибда чора кўрилмасдан кетишига рухсат берилган.
Ҳозирда мазкур ҳолат юзасидан Тошкент шаҳар ИИББ ЙҲХБ томонидан хизмат текшируви ўтказилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
