Ўзбекистоннинг учта вилоятида героин ва бошқа кучли таъсир этувчи моддалар контрабандаси билан боғлиқ ҳолатлар аниқланди

Ҳуқуқ-тартибот идоралари ходимлари Тожикистон ва Қирғизистон чегарасидан наркотик моддаларни олиб ўтишга бир неча уринишларнинг олди олинди.
Ўзбекистоннинг учта вилоятида героин ва бошқа кучли таъсир этувчи моддалар контрабандаси билан боғлиқ ҳолатлар аниқланди, деб хабар бермоқда «Подробно.уз» мухбири.

Самарқанд вилояти Ургут тумани Чеп қишлоғи ҳудудидаги ўзбек-тожик чегарасида 980 грамм героин бўлган ўрам топилди. Малум қилинишича, гиёҳванд моддалар номалум шахслар томонидан Тожикистондан олиб келинган. Ҳозирда пакет эгаларининг шахси аниқланмоқда.

Андижон вилоятида Қорасув шаҳрида яшовчи фуқаро ўзбек-қирғиз чегарасини ноқонуний кесиб ўтаётган вақтда қўлга олинди. Илгари судланган фуқаро Қирғизистондан таркибида «прегабалин» моддаси бўлган 30 минг ўрам «Нервигесик» препаратини олиб кирмоқчи бўлган.

Наманган вилоятида Қирғизистондан 3 минг донадан ортиқ кучли таъсир этувчи «Тропикамид» моддасини ноқонуний олиб ўтган икки нафар маҳаллий фуқаро қўлга олинди.

Ҳар учала ҳолат юзасидан жиноят иши қўзғатилиб, қоидабузарлар қамоққа олинган.