Ўзбекистонда олдиндан буюртма қилинган навбат асосида чегара пунктини тезкор кесиб ўтиш йўлга қўйилиши мумкин

Ўзбекистонда олдиндан буюртма қилинган навбат асосида чегара пунктини тезкор кесиб ўтиш йўлга қўйилиши мумкин

Давлат божхона қўмитаси «Ўзбекистон Республикаси Давлат чегараси орқали жисмоний шахслар ҳаракатланиши ҳамда улар томонидан товар ва транспорт воситаларини олиб ўтиш жараёнларини янада соддалаштириш тўғрисида»ги Вазирлар Маҳкамаси қарори лойиҳасини муҳокамага қўйди.

Қарор лойиҳасида давлат чегараси орқали жисмоний шахсларнинг ҳаракатланиши ҳамда улар томонидан товар ва транспорт воситаларини олиб ўтиш жараёнларини автоматлаштириш асосида янада соддалаштириш ҳамда қулайликлар яратиш мақсадида ишлаб чиқилган.

Унга кўра, Давлат божхона қўмитаси 2022 йил 1 июлга қадар масофадан туриб онлайн равишда транспорт воситалари навбатларини шакллантириш имконини берувчи «Электрон навбат» ва жисмоний шахслар учун «Фаст-траcк» автоматлаштирилган ахборот тизимлари амалиётга жорий этади.

Шунингдек, Давлат божхона қўмитаси, Давлат хавфсизлик хизмати Чегара қўшинлари, Ташқи ишлар вазирлиги, Ички ишлар вазирлиги олдиндан буюртма қилинган навбатлар асосида ҳаракатланиб келаётган жисмоний шахсларни ҳамда транспорт воситаларини белгиланган навбатлар асосида ўтказиш пунктлари орқали ўтказишни йўлга қўяди.

Қорақалпоғистон Республикаси Вазирлар Кенгаши, вилоятлар ҳокимликлари, Транспорт вазирлиги ҳузуридаги Автомобиль йўллари қўмитаси билан келишган ҳолда «электрон навбат»лар асосида ҳаракатланаётган транспорт воситалари учун автомобиль йўлларида жойлашган ўтказиш пунктларидан камида 1 километр олдин алоҳида йўлаклар ёки хўжалик юритувчи субъектларни жалб этган ҳолда жорий йилнинг сўнгига қадар автотураргоҳлар ташкил этади.

Ташқи ишлар вазирлиги, Давлат божхона қўмитаси дипломатик каналлар орқали мазкур қарор билан амалиётга жорий этилаётган қулайликлар тўғрисида хорижий давлатларга етказилиши таъминлайди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (3 )

    ALI Shop Админ
    Карго хам арзонледими?
    БЕК
    15 майда Ош айрапортидан ✈️ учишим керак
    Дуслик чегара пустида ва Киргистон чегара пустида канча вакита утса булади??? Неча соатда утаман постлардан бмлганлар йозворилар шуни хисобни олиб йулга чикаман
    Alisher
    👍🏼