Ўзбекистонда эрта пиёз экинлари хавф остидами?

Ўзбекистонда эрта пиёз экинлари хавф остидами?

Январь ойидаги ғайритабиий даражада паст совуқ Ўзбекистонда кузги пиёз ҳосилига таъсир қилиши мумкин, дея хабар беради EastFruit.

Эрта пиёз экиш август-сентябрь ойларида бошланади ва об-ҳаво аномалиялари бўлмаса, март-апрелда йиғиб олинади. Аммо январь аёзи туфайли унинг куртаклари бутунлай йўқ қилинди. Янгиларини шакллантириш учун қўшимча вақт керак бўлади, бу эса пишиб етиш даврининг тахминан 10-15 кунга кўпайишига олиб келади.

Vesagro консалтинг компанияси раҳбари Урмонали Усмонов таъкидлаганидек, 2022 йилда Ўзбекистонда кузги пиёз экинлари майдони Тожикистон ва Қирғизистоннинг Ўзбекистон билан чегарадош вилоятларида бўлгани каби қарийб учдан бирига ошади.

"2022 йил август-сентябрь ойларида кузги пиёз экиладиган майдонларнинг бундай сезиларли даражада кенгайиши 2023 йил баҳорида эрта пиёз етказиб беришнинг мутаносиб равишда ошишини англатмайди. Бунинг сабаби январь аёзларининг "август" пиёзининг келажакдаги ҳосилига салбий таъсиридир, чунки бу минтақа учун ғайритабиий паст ҳароратларда узоқ вақт давомида таъсир қилиш туфайли "август" қиш пиёзи сезиларли стрессни бошдан кечирди. Натижада келажакда ҳамма ўсимликлар ҳосил қила олмайди ва бунинг натижасида 2023 йил баҳорида эрта пиёзнинг гектаридан олинадиган ҳосил ўтган йилга нисбатан сезиларли даражада паст бўлиши мумкин", — деди эксперт.

Қишлоқ хўжалиги вазирлиги маълумотларига кўра, 23 январь ҳолатига кўра, пиёзнинг улгуржи нархи 6,5 минг сўмни ташкил этиб, 1 январга нисбатан 2,9 минг сўмга қимматлашган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!