Ўзбекистон ЕОИИ билан фаол ҳамкорликни давом эттирмоқда

Бу ҳақда Бишкекда бўлиб ўтган ЕОИИ етакчиларининг кенгайтирилган йиғилишида республика бош вазири Абдулла Арипов маълум қилди.

Ариповнинг сўзларига кўра, Ўзбекистоннинг Иттифоқ мамлакатлари билан товар айирбошлаш ҳажми йилдан-йилга ошиб бормоқда. Ўтган йили товар айирбошлаш ҳажми 30 %га, жорий йилда эса 40 %га ўсди.

Республика кооперация алоқаларини янада ривожлантириш, саноат технопаркларини биргаликда ривожлантириш тарафдори, деди у.

Жорий йилнинг ўзида мамлакатда ЕОИИ давлатлари иштирокида 1000 та янги корхона очилди. Уларнинг умумий сони 5 мингдан ошди.