"Ўзагросуғурта” АЖ томонидан мижозлар учун онлайн суғурта хизматлари сони 26 тага етказилди
!["Ўзагросуғурта” АЖ томонидан мижозлар учун онлайн суғурта хизматлари сони 26 тага етказилди "Ўзагросуғурта” АЖ томонидан мижозлар учун онлайн суғурта хизматлари сони 26 тага етказилди](/photos/news/Ica2epoZCxIx874.jpeg)
Бу ҳақда АОКАда ўтказилган брифингда акциядорлик жамияти ахборот хизмати раҳбари Илҳом Жўраев маълум қилди.
Жамият томонидан онлайн полисларни сотиб олиш жараёни соддалаштирилган бўлиб, мижозлар ўзи ҳақидаги минимал маълумотларни киритиши орқали маълумотлар базаси автоматик равишда тўлиқ шаклланади.
“Ўзагросуғурта” акциядорлик жамиятининг 2023 йилда таъминланган суғурта мукофотлари 393 млрд 152 млн сўмни ташкил қилди. Шундан 71 млрд 540 млн сўм мажбурий суғурта бўйича мукофотлар, 321 млрд 611 млн сўм эса ихтиёрий суғурта турлари бўйича мукофотларни ташкил қилади. Ўсиш кўрсаткичини 2022 йилга солиштирадиган бўлсак, 121,6 фоиз ёки 69,9 млрд сўм кўп суғурта мукофотлари таъминланганини кўриш мумкин.
Ҳисобот даврида Жамият мижозлари билан жами 715 314 дона суғурта шартномалари тузилган бўлиб, шартномаларнинг 5 580 тасини қишлоқ хўжалиги (хусусан, пахта, ғалла, қайта экиш ва бошқа экинлар, шунингдек, қишлоқ хўжалиги корхоналарининг мол-мулки ва лизинг хизматлари), 650 034 тасини аҳоли соғлиғи ва мол-мулки билан боғлиқ суғурталар ҳамда 59 700 тасини бошқа турдаги суғурта хизматлари ташкил қилади.