UCG «Яшил макон» лойиҳасида иштирок этади

United Cement Group халқаро цемент холдинги Ўзбекистон президентининг экологик ташаббуси - «Яшил макон» умумиллий лойиҳасида иштирок этади.

United Cement Group (UCG) холдинги таркибига кирувчи Ўзбекистоннинг етакчи заводи «Қизилқумцемент» АЖ 2023 йил баҳорида 3000 туп қайрағоч ва бошқа манзарали дарахтлар, шунингдек, Республиканинг Навоий вилоятида 200 туп саксовул кўчатини ўтқазди. Бу UCG холдингининг Ўзбекистондаги саноат корхоналари жойлашган туманларини кўкаламзорлаштиришга қаратилган «Яшил макон» лойиҳасидаги фаол иштирокининг навбатдаги босқичидир.

Аввалроқ, 2022 йил кузида UCG кўмаги билан тўлиқ ҳажмда бажарилган инвестицион мажбуриятлар реализацияси доирасида корхонанинг санитар-муҳофаза ҳудудида 11 гектар майдонда 3200 туп дарахт кўчати ўтқазилди ва 500 кг бута уруғлари экилди. Бироқ холдинг жамоаси бу билан тўхтаб қолгани йўқ ва республикадаги экологик дастурлари қўллаб-қувватлашни давом эттирмоқда.

«Яшил макон» лойиҳаси давлат раҳбари Шавкат Мирзиёевнинг «Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида»ги фармонига мувофиқ йўлга қўйилди. Президентнинг экологик ташаббусининг бу қисми доирасида республиканинг иссиқ иқлимида техноген таъсир ҳамда иссиқхона эффекти оқибатларини юмшатиш мақсадида бутун Ўзбекистон бўйлаб 2026 йилга бориб бир миллиард дарахт ва буталар экилиши кўзда тутилган. Мослашувчан манзарали дарахтлар ва буталар кўп миқдорда чангни ютишга, экотизимни асрашга ва ҳавонинг ўртача ҳароратини ушлаб туришга ёрдам беради.

«UCG холдинги маҳаллий ҳокимият органлари, экологик ташкилотлар ва вилоят фуқаролари билан ҳамкорликда “Яшил макон” лойиҳасига фаол киришди, — сўзлаб беради «Қизилқумцемент» АЖ бош директори Сергей Мельников. — Ишлаб чиқариш жойлашган ҳудуд экологияси ҳақида қайғуриш — бу бизнинг ички сиёсатимиз ва юксак экологик ва ижтимоий масъулиятимизга тўла мос келувчи замонавий цемент соҳасининг тренди ҳисобланади. Холдингга қарашли барча заводлар яшил технологияларга эътибор қаратган ҳолда, атроф муҳитга таъсирни камайтирувчи инновацияларни жорий этиш асосида модернизация қилинмоқда. Навоий вилоятини кўкаламзорлаштириш орқали биз Ўзбекистон табиати ва экологияси муҳофазасига ҳисса қўшдик».

Навоий вилояти чўлли ва қурғоқчил иқлимга эга. Сув танқислиги туфайли UCG мутахассислари томонидан илғор суғориш методлари қўлланилган: ҳар бири 60 тоннадан бўлган иккита резервуардан томчилаб суғориш тизими ўрнатилган. Бу туфайли корхона бу йил тарвуз, қовун ва қовоқ экиши мумкин ва бу ўз навбатида экологияга ижобий таъсир кўрсатади. «Қизилқумцемент» АЖ чиқиндиларни утилизация қилиш дастурида, шунингдек, маҳаллий экотуристик йўналишларни ривожлантиришда фаол иштирок этади. Атмосферага зарарли моддаларни чиқариш ва чиқиндиларнинг рухсат берилган чегараси нормативларига амал қилишни доимий равишда завод ва холдингдаги махсус бўлим назорат қилади.

«Ўзбекистон Президенти Шавкат Мирзиёевнинг экологик ташаббуси бизнинг қадриятларимиз ҳамда энергия самарадорлигини ошириш, атмосферани ифлослантиришни қисқартириш, яшил технологияларни жорий этиш каби жаҳон барқарор ривожланиш стандартларига муносиб бўлиш зарурати билан мос келди, — дейди Сергей Мельников. — Ўзбекистон Республикасида фуқароларнинг ҳаёт даражасини ошириш, шаҳарларда ҳаво сифатини яхшилаш ва табиатни муҳофаза қилиш йўналиши белгиланган. “Яшил макон” лойиҳаси Иқлим ўзгаришлари оқибатларини юмшатиш ва иқлим таъсирларига мослашиш бўйича Париж битими доирасида мамлакат мажбуриятларининг бажарилишига хизмат қилади. “Яшил макон” лойиҳаси — бизнес, давлат ва жамият ўртасидаги самарали ҳамкорликнинг намунаси ва UCG Ўзбекистоннинг қатор цемент корхоналари эгаси сифатида уни қўллаб-қувватлашга тайёр».

«Қизилқумцемент» АЖ келгусида ҳам «Яшил макон» лойиҳасини амалга оширишда ва вилоятдаги экологик вазиятни яхшилашга интилишда давом этади. UCGнинг муваффақиятли ва масъулиятли ижтимоий фаолияти Ўзбекистоннинг бошқа саноат корхоналари учун ўрнак ҳамда фаол иштирок этиш учун чақириқ бўлиши лозим.

UCG ҳақида маълумот

United Cement Group (UCG) холдинги – Марказий Осиёнинг Ўзбекистон, Қирғизистон ва Қозоғистонда фаолият юритувчи энг йирик цемент холдинги. Гуруҳ корхоналари цементнинг умумий қурилиш ва энг юқори сифатли махсус маркаларини ишлаб чиқаради ҳамда улар минтақадаги таянч инфраструктура объектлари қурилишида кенг қўлланилади. Гуруҳ ижтимоий масалалар, экология ва энергия самарадорлигига алоҳида эътибор қаратган ҳолда бизнес ўсишининг юқори динамикасини намоён этмоқда. UCG заводларни мамлакат иқтисодиёти тармоқларининг цементга бўлган талабини қондиришга ва халқаро бозорнинг асосий ўйинчиларига айланишга қодир замонавий ишлаб чиқариш объектларига айлантириш учун уларнинг капитал модерниязациясини ўтказмоқда.