Twitch асосчиси ва бош директори ишдан кетди

Twitch асосчиси ва бош директори ишдан кетди

Twitch асосчиси ва бош директори Эммет Шир 16 йилдан кейин компанияни тарк этди. Бу ҳақда Ширнинг ўзи Twitter ижтимоий тармоғида ёзган.

«2006-йил октябр ойида биз Интернетда жонли эфирни йўлга қўйиш лойиҳаси устида иш бошладик. Ушбу лойиҳа Twitch хизматига айланди.

16 йил ўтди, мен ота бўлдим ва ҳаётимнинг кейинги босқичига ўтишга тайёрман », деди Шир. Шунингдек, Twitch'ни ривожлантиришга ёрдам берган барчага миннатдорчилик билдирди.

Компаниянинг бош директори энди унинг президенти Ден Кленси бўлади.

Twitch – бу америкалик видео стриминг хизмати бўлиб, у э-спорт турнирлари ва видео ўйинлар бўйича тренингларни кўрсатишга ихтисослашган. Ривожланишнинг биринчи босқичида у 2011 йилда ажралиб чиққан Justin.tv платформасининг бир қисми эди. Уч йил ўтгач, у Амазон электрон тижорат гиганти томонидан тахминан 970 миллион долларга сотиб олинди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!