Тошкентда "маклер" 21 нафар фуқарони чув туширди

Жиноят ишлари бўйича Мирзо Улуғбек туман судида судья Бахром Бердиев раислигида фирибгарлик содир этган шахсга оид жиноят иши кўриб чиқилди.

Иш ҳужжатларига кўра, 1987 йилда туғилган судланувчи муқаддам 3 маротаба фирибгарлик жиноятини содир қилиб, судланган бўлишига қарамасдан, ўзига тегишли хулоса чиқармай, фойдали меҳнат фаолияти билан шуғулланмасдан, яна қасддан жиноят содир этиш йўлига ўтган. Иқтисодиёт соҳасидаги жиноятлар туркумига кирувчи фирибгарлик, яъни алдаш ёки ишончни суиистеъмол қилиш йўли билан ўзганинг мулкини ёки ўзганинг мулкига бўлган ҳуқуқни қўлга киритиш таснифланиши жиҳатидан оғир турдаги жиноятни қасддан содир этган.

Ўзини ижарага уй топиб берувчи маклер сифатида таништириб, 21 нафар фуқародан турли миқдордаги маблағларни нақд ҳолда, шунингдек пластик картасига ўтказиш орқали, ҳатто телефон аппаратини олиб уни сотиб, пулларни ўз эҳтиёжларига сарфлаб юборган.

Жумладан, у ўзганинг мулкини алдаш ва ишончини суистеъмол қилиш йўли билан қўлга киритиш мақсадида, 2022 йил 23 март куни бир фуқаро билан интернет тармоғининг “OLX” сайти орқали танишиб, унга ўзини ижарага уй топиб берувчи маклер сифатида таништиради. Юнусобод тумани, Ц-5 даҳасида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, у билан шу манзилдаги Минор МФЙда жойлашган Тошкент шаҳар ФВВ бошқармаси биноси олдида учрашиб, олдиндан ижара пуллари сифатида ундан 3 млн. 314 минг сўмни алдов йўллар билан қўлга киритади. Фуқарога ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлаб, кейинчалик қолган 100 АҚШ доллари пулни жабрланувчига қайтариб, шу кунга қадар қолган 200 АҚШ долларини қайтариб бермасдан, унга 2 млн. 314 минг сўм миқдорда моддий зарар етказиб, ўзининг жиноий ҳаракатларини яшириш мақсадида номаълум томонга яшириниб, фирибгарлик жиноятини содир этган.

Бундан ташқари, у 24 июнь 2-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Чилонзор тумани “Новза” метро бекати яқинида жойлашган кўп қаватли уйлардаги квартирани ижарага олиб беришини ёлғондан ваъда беради. У билан “Новза” метро бекати яқинида учрашиб, олдиндан ижара ҳаққи сифатида 3 млн 300 минг сўм пулларни алдов йўллар билан қўлга киритади. Фуқарога ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлаб, жабрланувчига 3 млн 300 минг сўм миқдорда моддий зарар етказиб, ўзининг жиноий ҳаракатларини яшириш мақсадида номаълум томонга яшириниб, фирибгарлик жиноятини содир этган.

24 июнь куни 3-фуқаро билан ҳам “OLX” сайти орқали танишиб, унга ўзини ижарага уй топиб берувчи маклер сифатида таништиради. Чилонзор тумани 16-мавзеда жойлашган кўп қаватли уйлардаги квартирани ижарага олиб беришини ёлғондан ваъда бериб, олдиндан ижара пуллари сифатида ундан 4 млн 666 минг сўм пулларни алдов йўллар билан ўзига тегишли бўлган пластик картасига ўтказиб олишга эришади. Ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлаб, жабрланувчига 4 млн 666 минг сўм миқдорда моддий зарар етказиб, фирибгарлик жиноятини содир этган.

25 июнь куни 4-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Мирзо Улуғбек тумани “Бий” кўчасида жойлашган кўп қаватли уйлардаги квартирани ижара олиб беришини ёлғондан ваъда бериб, у билан “Буюк Ипак Йўли” метро бекати яқинидаги техника савдо-дўкони олдида учрашиб, олдиндан ижара пуллари сифатида ундан 450 АҚШ долларини алдов йўллар билан қўлга киритади. Ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлаб, жабрланувчига моддий зарар етказиб, ўзининг жиноий ҳаракатларини яшириш мақсадида номаълум томонга яшириниб, фирибгарлик жиноятини содир этган.

26 июнь куни 5-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Чилонзор тумани “Новза” метроси олдида жойлашган кўп қаватли уйлардаги уч хонали квартирани ижара олиб беришини ёлғондан ваъда бериб, у билан шу куни соат тахминан 17:50 ларда “Ашхабод” боғи олдида учрашиб, 2 млн 200 минг сўм ва 27 июнь соат тахминан 18:15 ларда гипермаркет олдида учрашиб, 100 АҚШ долларини алдов йўллар билан қўлга киритади. Ижарага квартира билан таъминламасдан, пулларни ўзининг шахсий эҳтиёжлари учун сарфлаб, жабрланувчига 3 млн 283 минг сўм миқдорда моддий зарар етказиб, ўзининг жиноий ҳаракатларини яшириш мақсадида номаълум томонга яшириниб, фирибгарлик жиноятини содир этган.

28 июнь куни 6-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Учтепа туманида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, у билан Чилонзор тумани 7-мавзеда жойлашган кафе олдида учрашиб, олдиндан ижара пуллари сифатида ундан 300 АҚШ долларини алдов йўллар билан қўлга киритади. Ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлайди.

28 июнь куни 6-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Чилонзор туманида жойлашган “Новза” метроси атрофидаги кўп қаватли уйлардаги уч хонали квартирани ижарага олиб беришини ёлғондан ваъда бериб, у билан Шайхонтоҳур туманида жойлашган ресторан олдида, 29 июнь куни Ўзбекистон Меҳмонхонаси олдида учрашиб, олдиндан ижара пуллари сифатида ундан 450 АҚШ долларини алдов йўллар билан қўлга киритади. Ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлайди.

2 июль куни 7-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Чилонзор туманида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, у билан Шайхонтоҳур тумани, “Абай” кўчасида жойлашган савдо мажмуаси олдида учрашади. Олдиндан ижара пуллари сифатида ундан 360 АҚШ долларини алдов йўллар билан қўлга киритади. Пулларни ўзининг шахсий эҳтиёжлари учун сарфлаган.

2 июль куни 8-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Чилонзор туманида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, у билан Чилонзор тумани, 5-мавзесида жойлашган ресторан олдида учрашиб, олдиндан ижара пуллари сифатида ундан 420 АҚШ долларини алдов йўллари билан қўлга киритади. Ваъда берганидек уни хонадон билан таъминламасдан, пулларни ўзининг шахсий эҳтиёжлари учун сарфлаган.

4 июль куни 9-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Шайхонтоҳур тумани, “Абай” кўчасидаги супермаркет олдида жойлашган кўп қаватли уйлардаги квартирани ижарага олиб беришини ёлғондан ваъда беради. Шу ерда ундан олдиндан ижара пуллари сифатида 200 АҚШ долларини алдов йўллари билан қўлга киритади. Ваъда берганидек уни хонадон билан таъминламасдан, пулларни ўзининг шахсий эҳтиёжлари учун сарфлаган.

22 июль куни 10-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Тошкент шаҳрида жойлашган кўп қаватли уйлардаги квартирани ижарага олиб беришини ёлғондан ваъда бериб, Яшнабод туманида жойлашган клиника олдида, олдиндан ижара пуллари сифатида 380 АҚШ долларини алдов йўллари билан қўлга киритади. Ваъда берганидек уни хонадон билан таъминламасдан, пулларни ўзининг шахсий эҳтиёжлари учун сарфлаган.

29 июль куни 11-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Тошкент шаҳри, Юнусобод тумани, 11-мавзеда жойлашган кўп қаватли уйлардаги икки хонали квартирани ижарага олиб беришини ёлғондан ваъда беради. 31 июль куни соат тахминан 13:30 ларда Яккасарой туманида жойлашган боғ олдида, олдиндан ижара пуллари сифатида 300 АҚШ долларини алдов йўллари билан қўлга киритади.

30 июль куни 12-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Юнусобод тумани, “Megaplanet” савдо мажмуаси олдида жойлашган кўп қаватли уйлардаги икки хонали квартирани ижарага олиб беришини ёлғондан ваъда бериб, 300 АҚШ долларини алдов йўллар билан қўлга киритади.

30 июль куни соат тахминан 16:30 ларда 13-фуқаро билан интернет тармоғи орқали танишиб, унга ўзини ижарага уй топиб берувчи маклер сифатида таништириб, Юнусобод тумани, 11-мавзедаги кўп қаватли уйда жойлашган квартирани ижарага олиб беришини ёлғондан ваъда беради. Юнусобод тумани, 13-мавзеда ундан ижара пуллари эвазига 3 млн 700 минг сўмни олиб, унга ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлаган.

31 июль куни соат тахминан 18:45 ларда 14-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Юнусобод тумани, 11-мавзе, 16-уйдан квартирани ижарага олиб беришини ёлғондан ваъда беради. Умумий баҳоси 5 млн сўмлик “VIVI V23E” русумли телефон қўлга киритиб, фуқарога ваъда берганидек уни ижарага квартира билан таъминламасдан, телефон аппаратини сотиб, пулларни ўзининг шахсий эҳтиёжлари учун сарфлаган.

15 август куни 15-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Яшнабод туманидаги бозор олдида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, олдиндан ижара пуллари сифатида ундан 300 АҚШ долларини алдов йўллари билан қўлга киритади.

21 август куни соат тахминан 11:30 ларда 16-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Юнусобод тумани, 14-мавзе, 2-уйдан квартирани ижарага олиб беришини ёлғондан ваъда беради. Ундан ижара пуллари эвазига 400 АҚШ долларини олиб, пулларни ўзининг шахсий эҳтиёжлари учун сарфлаган.

17-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Мирзо Улуғбек тумани, БИЙ кўчасида жойлашган кўп қаватли уйлардаги уч хонали квартирани ижарага олиб беришини ёлғондан ваъда беради. Олдиндан ижара пуллари сифатида ундан 100 АҚШ долларини алдов йўллари билан қўлга киритади. Ваъда берганидек уни хонадон билан таъминламасдан, пулларни ўзининг шахсий эҳтиёжлари учун сарфлаган.

25 август куни 18-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништиради. Мирзо Улуғбек тумани, Дархон кўчасида жойлашган кўп қаватли уйлардаги квартирани ижарага олиб беришини ёлғондан ваъда бериб, олдиндан ижара пуллари сифатида ундан 3 млн 270 минг 600 сўмни алдов йўллар билан олишга эришиб, ваъда берганидек уни ижарага квартира билан таъминламасдан, пулларни ўзининг шахсий эҳтиёжлари учун сарфлатган.

2 сентябрь куни 19-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Мирзо Улуғбек тумани, БИЙ кўчасида жойлашган кўп қаватли уйлардаги квартирани ижарага олиб беришини ёлғондан ваъда бериб, олдиндан ижара пуллари сифатида ундан 4 млн 400 минг сўмни алдов йўллар билан олишга эришади.

3 сентябрь куни 20-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Мирзо Улуғбек тумани, БИЙ кечасида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, олдиндан ижара пуллари сифатида ундан 4 млн 400 минг сўмни алдов йўллар билан қўлга киритади.

21-фуқаро билан “OLX” сайти орқали танишиб, унга ўзини ижарага уй топиб берувчи маклер сифатида таништириб, Мирзо Улуғбек тумани, БИЙ кўчасида жойлашган кўп қаватли уйлардаги уч хонали квартирани ижарага олиб беришини ёлғондан ваъда бериб, 3 сентябрь куни тахминан соат 13:00ларда у билан Шайхонтохур тумани, “Халқлар дўстлиги” бекати олдида учрашиб, олдиндан ижара пуллари сифатида ундан 1 млн сўмни алдов йўллари билан қўлга киритади.

Мазкур жиноят иши юзасидан сўроқ қилинганда эълон қилинган айбга тўлиқ иқрор бўлди:

— Муқаддам бир неча маротаба судланиб, охирги марта 2022 йил 19 январь куни жиноят ишлари бўйича Сирғали тумани суди томонидан фирибгарлик жиноятини содир этишда айбли деб топилиб, энг кам ойлик иш ҳаққининг 20%ни давлат даромади ҳисобига ушлаб қолган ҳолда 1 йил 8 ой 6 кун муддатга ахлоқ тузатиш ишлари жазосини олганман. Ҳозирда Мирзо Улуғбек тумани пробация бўлимида рўйхатда туриб ахлоқ тузатиш ишлари жазосини ўтаб келаётгандим.

Ижарага уй олиб бераман деб одамларни алдаб фирибгарлик орқали пул топиш ҳолатларини содир этгунимга қадар доимий равишда “Маклерлик” фаолияти билан шуғулланиб келганман. Дастлаб жабрланувчиларни алдаш мақсадим бўлмаган. Кейинчалик ўзим енгил бойлик орттириш мақсадида шу йўлга ўтиб, фуқароларни алдаб пул маблағларини ўзимнинг шахсий эҳтиёжларим учун сарфлаб юборганман.

Жиноят ишлари бўйича Мирзо Улуғбек туман судининг ҳукми билан ЖКнинг 168-моддаси (фирибгарлик) 3-қисми “б” банди билан айбдор деб топилган шахс 6 йил муддатга озодликдан маҳрум қилинди.