Тошкентда 4 нафар аёлни Туркияга фоҳишаликка жўнатмоқчи бўлган аёл қўлга олинди
![Тошкентда 4 нафар аёлни Туркияга фоҳишаликка жўнатмоқчи бўлган аёл қўлга олинди Тошкентда 4 нафар аёлни Туркияга фоҳишаликка жўнатмоқчи бўлган аёл қўлга олинди](/photos/news/BDv2ZVJN966twBr.jpeg)
Тошкент вилояти ИИББ тезкор ходимлари томонидан навбатдаги одам савдоси билан боғлиқ ҳолатга чек қўйилди.
Ўтказилган тезкор тадбир давомида Бўстонлиқ туманида яшовчи 42 ёшли аёл 22-43 ёш орасидаги тўрт нафар аёлни мўмай даромад топадиган иш топиб беришни ваъда қилиб, фоҳишалик билан шуғуллантириш мақсадида Тошкент-Истанбул авиарейси орқали Туркия давлатига жўнатаётган вақтида вилоят ИИББ тезкор ходимлари томонидан ушлаб қолинди.
Мазкур ҳолат юзасидан ушланган шахсларга нисбатан Ўзбекистон Республикаси Жиноят кодексининг 135-моддаси билан жиноят иши қўзғатилиб, Тергов ҳаракатлари олиб борилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).