Тошкент вилояти мактаб ўқувчиларига Қизил китоблар топширилди
Экология, атроф-муҳитни муҳофаза қилиш ва иқлим ўзгариши вазирлиги томонидан Тошкент вилояти Aнгрен шаҳридаги 42-умумтаълим мактабига 100 дона Қизил китоб топширилди.
Маълумот учун, бу Қизил китоблар Экология, атроф-муҳитни муҳофаза қилиш ва иқлим ўзгариши вазири Aзиз Aбдуҳакимов ташаббуси билан мактаб ўқувчилари учун қайта нашр этилган.
Таъкидлаш жоизки, Европа Иттифоқи мамлакатлари, халқаро ташкилотлар вакиллари, Ўзбекистон, Қирғизистон ва Тожикистон вакилларидан иборат делегация БМТТД ва ЙХҲТ лойиҳалари, шунингдек, собиқ уран конларини рекултивация қилиш ишлари билан танишиш мақсадида Aнгренга ташриф буюрганди. Ташриф доирасида Экология вазири ўринбосари Жусипбек Казбеков иштирокида 42-умумтаълим мактабида китоблар тақдимоти бўлиб ўтди.
Республикамиз умумтаълим мактабларида тарқатилаётган Қизил китобларнинг тиражи жами 40 минг нусхани ташкил этади. Хусусан, айни пайтда Хоразм вилоятида 2000, Сирдарё вилоятида 1250, Жиззах вилоятида 205, Навоий вилоятида 1400, Қашқадарё вилоятида 4000 ва Тошкент вилоятида 100 та китоблар мактаб ўқувчиларига етказиб берилди.
Эслатиб ўтамиз, аввалроқ хориж давлатлари ва халқаро ташкилотлар вакилларининг Тошкент вилоятидаги собиқ уран қазиб олиш объектларининг мелиоратив ҳолатини яхшилаш бўйича олиб борилаётган ишлар билан танишиш мақсадида Aнгренга ташриф буюргани ҳақида хабар берилганди.
