Тошкент миллий таълим университетига лицензия берилмагани маълум қилинди

Олий таълим, фан ва инновациялар вазирлиги Тошкент миллий таълим университетига олий таълим хизматларини кўрсатиш учун лицензия берилмаганини маълум қилди.

Вазирлик ушбу хусусий таълим муассасасига олий таълим хизматларини кўрсатиш учун ҳеч қандай лицензия бермаган ва унинг фаолияти ноқонуний.

“Шу ўринда абитуриентлар ва уларнинг ота-оналаридан фақатгина вазирликнинг “edu.uz” расмий сайтида кўрсатилган давлат, нодавлат ва хорижий олийгоҳлар рўйхатидаги олий ўқув юртларини танлашлари сўралади”, — дейилади вазирлик хабарида.