Террорчи ташкилот Туркиядаги ўрмон ёнғинлари учун жавобгарликни ўз бўйнига олди

Террорчи ташкилот Туркиядаги ўрмон ёнғинлари учун жавобгарликни ўз бўйнига олди

Туркияидаги ўрмон ёнғинлари учун жавобгарликни “Олов болалари” номли террорчи ташкилот ўз бўйнига олди, деб хабар қилмоқда Yeni Şafak газетаси.
“Олов болалари” Туркияда террорчи ташкилот мақомига эга бўлиб, у “Қурдистон ишчи партияси”га алоқадор. Террорчилар баёнотида айтилишича, улар “турк режимини олов ёрдамида тиз чўктириш” мақсадида ўрмон ёнғинларини атайлаб уюштиришган.
Туркия расмий вакиллари ушбу хабарга ҳозирча ҳеч қандай изоҳ беришмаган.
Аномал иссиқ туфайли сўнгги кунларда Туркиянинг кўплаб ҳудудларида ўрмонлар ёнғин ичида қолган. Олов ҳатто курорт шаҳарларга ҳам жуда яқин келиб қолган. Хусусан 29 июл куни Мармарис ва Бодрумдаги бир неча меҳмонхоналардан сайёҳларни эвакуация қилишга мажбур бўлган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!