Тарихда бўлиб ўтган 5 та энг кучли зилзилалар

Geografiya.uz сайти тарихда юз берган энг кучли зилзилалар рўйхатини эълон қилди. Булар қуйидагилар...

2010 йилнинг 27 февралида Чилида 8,8 балли зилзила содир бўлади. Натижада 525 киши ҳалок бўлган, 25 та одам домдараксиз йўқолган. Бу офат Чили давлатига 15-30 миллиард АҚШ доллари миқдорида зарар етказган.

Тўртинчи ўринни 1994 йилнинг 17 январида АҚШнинг Лос-Анджелес шаҳрида бўлиб ўтган 6,7 балл кучланишга эга бўлган зилзила эгаллайди. Бу офат 57 кишининг умрига зомин бўлди. 8700 та одам турли хил жароҳатлар олишган ва 20 млрд АҚШ доллари миқдорида зарар келтирган.

Учинчи ўринни 2008 йилнинг 12 май куни Хитойда Ченду шаҳри яқинидаги Сичуан провинциясида бўлиб ўтган 8 балл кучланишдаги зилзила эгаллади. 69195 та одам ҳалок бўлган. Жароҳат олганлар сони 374643 нафарни ташкил этади, 18000 одам домдараксиз йўқолган. 5 млн дан 12 млн гача инсонлар бош панасиз қолади.

Иккинчи ўринда 1995 йил 17 январь куни Япониянинг Кобе шаҳрида бўлиб ўтган 6,9 балли зилзила эгаллади. 6434 та одам ҳалок бўлган ушбу зилзила оқибатида 150 мингдан зиёт иншоотлар ер билан битта бўлган ва мамлакатга 100 млн АҚШ доллари миқдорида зарар келтирган.

Тарихдаги энг кучли зилзила 2011 йилнинг 11 майида Япония соҳилларида бўлиб ўтади. 9 балл кучланига эга бўлган табиий офат 6 дақиқа давом этиб, бунинг натижасида 40 метрлик сунами ҳосил бўлади. 15883 та одамнинг умрига зомин бўлади. Яна 2676 та одамнинг тақдири ҳозирги кунгача жумбоқлигича қолмоқда. Фукусима атом электростанциясига қаттиқ зарар етади. Бу воқеа Япония давлатига 186-235 миллиард АҚШ доллари миқдорида зарар етказади.