Таниқли турк актёри нега модель билан ажрашди?

Ўтган ёзда Бурак Денизнинг модель Дидем Сойдан билан хайрлашиши энг кўп муҳокама қилинган мавзулардан бирига айланди.

Машҳур жуфтлик ажрашгач, турк ОAВлари Бурак ва Дидемнинг ажралиш сабаблари ҳақида ёзган еди. Маълумотни актёрнинг дўстларидан ўрганган туркиялик журналистларга кўра, Дидемнинг тармоқдаги очиқ суратлари Буракнинг ғазабини келтирган.

Ўшанда Бурак ҳам, Дидем ҳам миш-мишларга изоҳ беришмаган.

Яқинда модел биринчи марта у ва Бурак ҳақидаги мақолаларга муносабат билдирди:

"Ҳа, биз ажрашдик. Очиқ суратлар устидаги жанжал ҳақида ҳамма ёзган. Бу ёлғон. Хўш, биз бу ҳақда жанжаллашадиган даражада жиннимизми? Биз ақлли одамлармиз ва шахсий ҳаётимизни омма олдида муҳокама қилмаймиз, шунинг учун ҳақиқий сабаблар ўртамизда қолади", деди у.