Съёмка жараёнида актрисанинг юзига бир неча марта урган Аҳад Қаюм танқидга учради (видео)
Тармоқларда актёр ва продюсер Аҳад Қаюмнинг фильми съёмкасидан олинган лавҳа тарқалди.
Видео телеграм каналларда эълон қилинди, демоқда "Everyday.uz".
Видеода Аҳад Қаюм ва унинг партнёри оилавий можаро билан боғлиқ эпизодни ижро этишган.
Унда актёр актрисанинг юзига уриши керак бўлган. Ушбу эпизод операторнинг маҳоратсизлиги сабаб бир неча марта олинган.
Фильмнинг битта камерада суратга олиниши тармоқ фойдаланувчиларини ҳайратда қолдирган. Бундан ташкари, дублларнинг бирида оператор умуман камерани ёқмаган. Актриса актёрнинг бир неча зарбига чидай олмай, Қаюмнинг юзига уриб ташлаган ва съёмка майдонини тарк этган.
Таъкидлаш жоиз, Аҳад Қаюм аёлларнинг қийналиши билан боғлиқ фильмларни олиши билан танилган. Унинг барча фильмларида аёллар хўрланган ва қийноққа солинган ролларда гавдаланган. Айрим тармоқ фойдаланувчилари Қаюм ва унинг жамоаси қизнинг устидан кулган дея таъкидлашмоқда.
