Сирдарё вилоятида сунъий уруғлантириш натижасида наслли бузоқлар олинмоқда

Бу ҳақда Ветеринария ва чорвачиликни ривожлантириш давлат қўмитаси хабар берди.

Қўмита таркибидаги “Ўзбекчорванасл” агентлигининг жойлардаги мутахассис-осеменаторлари томонидан аҳоли хонадонларидаги хонаки сигирлар сунъий уруғлантирилиши натижасида наслли бузоқлар олинмоқда.

Таъкидланишича, бу келажакда наслли қорамолларнинг янги авлодини яратиш кафолатини беради. Сунъий уруғлантириш йўли билан олинган бузоқлар тез ўсиши ва касалликларга нисбатан чидамлилиги билан ажралиб туради.