Швеция бош вазири "Қуръон" китоби ёқилгани учун мусулмонларга ҳамдардлик билдирди

Туркиянинг Стокгольмдаги элчихонаси олдида "Қуръон" ёқиб юборилгани мусулмонларга нисбатан ҳурматсизликдир. Швеция бош вазири Ульф Кристерссон твиттерда шундай изоҳ қолдирди.

Унинг таъкидлашича, сўз эркинлиги демократиянинг асосий таркибий қисмидир, лекин қонунга зид бўлмаган нарса ҳар доим ҳам ўринли эмас.

«Кўплаб муқаддас китобларни ёқиш чуқур ҳурматсизликдир. Стокгольмда содир бўлган воқеадан хафа бўлган барча мусулмонларга ҳамдардлигимни билдирмоқчиман», — деб ёзади Кристерссон.