Шавкат Мирзиёев БМТ йиғилишида иштирок этади
Президент Шавкат Мирзиёев 22 февраль куни БМТнинг Инсон ҳуқуқлари бўйича кенгаши 46-сессиясининг юқори даражадаги сегменти ишида иштирок этади.
Кенгашга 47 та давлат аъзо. Ўтган йилнинг октябрида Ўзбекистон ушбу тузилма аъзоси этиб илк бор сайланганди. Пандемия сабаб йиғили Женева шаҳрида видеоанжуман шакли ўтказилади.
Кун тартибидан инсон ҳуқуқларига риоя этилиши ва уларни ҳимоя қилиш, жумладан фуқаролик, сиёсий, иқтисодий, ижтимоий ва маданий ҳуқуқларни таъминлаш борасидаги энг долзарб масалалар ўрин олган.
Тадбирда БМТ Бош котиби Антониу Гутерриш, Инсон ҳуқуқлари бўйича Олий комиссар Мишель Бачелет, қарийб 150 мамлакатдан давлат, ҳукумат раҳбарлари қатнашади.
Шавкат Мирзиёев форумнинг биринчи кунида нутқ сўзлаб, мамлакатда демократик янгиланишларни чуқурлаштиришнинг устувор йўналишлари ҳамда Инсон ҳуқуқлари бўйича кенгаш доирасидаги ишларнинг асосий вазифаларига тўхталиб ўтади.
