Шавкат Мирзиёев: "2 мингта эҳтиёжманд оилаларга уй олиш учун 100 млрд сўм субсидия берилади"

2 мингта эҳтиёжманд оилаларга уй олиш учун 100 млрд сўм субсидия берилади. Бу ҳақда Шавкат Мирзиёев Навоийдаги учрашув вақтида айтиб ўтди.

Келгуси 5 йилда Навоий аҳолиси 150 мингга кўпаяди. Уй-жой - одамларнинг ҳақиқий дарди. Бир ҳовлида 3-4 келин яшаш қийин, оилалар уй ололмайди. Ёши катта бўлиб қолган ота-онага ҳам тинчлик керак, оилалар яхши шароитда яшашлари керак. Кўп қаватли уйлар қурамиз. Биринчи навбатда улар яқинида ишчи жойи, боғча-мактабини ҳам тайин қиламиз.

Бундай уйларни олиш учун 2 мингта эҳтиёжманд оилаларга 100 млрд сўм субсидия берилади.

Номзод Навоий шаҳрининг ўзида 4 минг хонадонли, бошқа туманларда 14 минг хонадонли кўп қаватли уйлар қурилишини айтди.

Шунингдек, Зарафшон шаҳри кенгайтирилади, 30 минг аҳоли учун "Саноат шаҳарчаси" бунёд этилади.