Роналду карантинни бузди
Италия спорт вазири Винченцо Спадафора Туриннинг "Ювентус" жамоасининг португалиялик футболчиси Криштиану Роналду карантинни бузганлигини маълум қилди, деб хабар берди “Football Italia”.
Спадафоранинг маълумотига кўра, тергов Роналду тиббий протоколга риоя қилмаганлигини исботлаган.
Таъкидлашича, 13 октябрь куни ОАВда португалиялик футболчи коронавирус билан касалланганлиги ҳақида хабар тарқалди. Тақиқланганига қарамай, карантинни Туринда ўтказиш учун Португалиядан Италияга қайтган.
Эслатиб ўтамиз, Италиянинг изоляция қилиш қоидалари Португалияникидан фарқ қилади ва 14 кун ўрнига ўн кун давомида карантинда бўлишига имкон беради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
