Қозоғистон пойтахти Остона шаҳри "Нурсултон"га ўзгартирилди
Қозоғистон пойтахти Остона шаҳри Нурсултонга ўзгартирилди. Бу ҳақда РИА Новости хабар қилмоқда.
Хабарда қайд этилишича, Қозоғистон парламенти депутатлари икки ўқишда конституцияга пойтахт номини биринчи президент Нурсултон Назарбоев шарафига ўзгартириш тўғрисида қарор қабул қилишди.
“Тарихий қарор қабул қилинди”, - деди Қозоғистон парламенти депутати Нурлан Нигматулин.
Эслатиб ўтамиз, аввалроқ Қозоғистон президенти лавозимига киришган Қосим-Жомарт Токаев Қозоғистон пойтахти Остона шаҳри номини Нурсултонга ўзгартириш таклифини киритган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
