Қирғизистон биринчи президенти Асқар Акаев мамлакатда юз берган “Лолалар инқилоби” ортида ким турганини айтди

Собиқ президент Асқар Акаев 2005 йилда мамлакатда рўй берган “Лолалар инқилоби”ни давлат тўнтариши деб атади ва бунинг ортида АҚШ турганини айтди.

“Бу ҳақда очиқ гапиряпман, чунки АҚШ элчиси жаноб Янг, айниқса, Грузия ва Украинадаги инқилоблардан сўнг, АҚШ давлат тўнтаришлари уюштирганини очиқ айтди”, — дейди Акаев Олма-отадаги университетлардан бирида қилган чиқишида.

Шу билан бирга, собиқ президент мамлакатни тарк этиш қарори хато бўлганини тан олди.

“Савол шундаки, балки мамлакатни тарк этиб хато қилгандирман. Кўпчилик қолиш керак эди, дейишади. Аммо ўз исмимни қон тўкиш билан боғлай олмасликка қарор қилдим. Мамлакатни тарк этишни танладим ва бундан афсусланмайман”, — дейди у.