Қашқадарёдаги кўпқаватли уйга кириб олган илон тутилди
Қашқадарё вилояти ФВБ қутқарувчилари кўпқаватли уйга кириб олган илонни тутиб олишди. Бу ҳақда ФВВ матбуот хизмати хабар қилмоқда.
Воқеа Қарши шаҳридаги 5 микрорайонда кузатилган. А.Х. исмли фуқаро вилоят ФВБ навбатчилик қисмига уйига илон кириб олганлиги ҳақида маълум қилган.
Қутқарувчилар саноқли дақиқаларда, зудлик билан воқеа жойига етиб борган ва “чақирилмаган меҳмон”ни тутишган. Шу тариқа хавф бартараф этилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
