Путин Мексика президентининг инаугурациясида иштирок этадими?
Россия президенти Владимир Путин Мексика президенти Клаудия Шейнбаумнинг инаугурациясида иштирок этиш учун ўз вакилини тайинлади, деб хабар берди ТИВ. Президент матбуот котиби Дмитрий Песков Путиннинг ўзи ҳам тадбирда иштирок этишни режалаштирмаганини қўшимча қилди.
"Президентнинг режаларида бундай саёҳат йўқ" - деди жаноб Песков "ТАСС"га.
Россия ТИВ Лотин Америкаси департаменти директори Александр Шчетининнинг RTVI телеканалига айтишича, Россия томони инаугурацияга таклифнома олган. Бунинг учун у Мексикага миннатдорчилик билдирди. "Россия Федерацияси Президенти ўз вакилини тайинлади, биз бу ҳақда мексикаликларни тегишли равишда хабардор қилдик", деди дипломат.
Клаудия Шейнбаум июнь ойида Мексикада бўлиб ўтган президентлик сайловларида ғалаба қозонган эди. У ҳукмрон Морена партияси вакили эди. Владимир Путин Шейнбаумга табрик телеграммаси йўллади.
