Путин Ғарб нега бой ва фаровон эканини «тушунтирди»

Ғарбнинг бойлиги асосан неоколониализм ва қулликка асосланган, дея баёнот берди Россия раҳбари Владимир Путин.

Путин бу ҳақда Санкт-Петербург халқаро маданий форуми – Бирлашган маданиятлар форумида айтиб ўтди.

«Кўпгина мамлакатлар, хусусан, Европа давлатлари ва Қўшма Штатлар эга бўлган бойлик, албатта, асосан ўтмишдаги ва ўтмишдаги дунё тартибидаги адолатсизликлар, мустамлакачилик, қулликка асосланган», — дея Путиннинг сўзларини келтиради ТАСС.

Ғарбни колониализмда айблаган Путин ўтмишдаги Россия империясининг сиёсати хусусида лом-лим демаган.

Шунингдек, Путинга кўра, «Россия ва Европа ўртасидаги мураккаб муносабатлари Ғарб элитаси сиёсати маҳсулидир, расмий Москва уларни ёмонлаштиришни истамаган».