Пригожин "Вагнер" хусусий ҳарбий ширкатини Бахмутдан олиб чиққанини эълон қилди

Евгений Пригожин матбуот хизматининг эълон қилган видеосида у Бахмутдан бўлинмаларни олиб кетаётганини айтади.

“Биз Бахмутдан бўлинмаларни олиб чиқяпмиз. 1 июнга қадар асосий қисми орқа лагерларга кўчирилади. Биз ўринларни мудофаа ҳарбийларига топширамиз. Аммо агар ҳарбийлар учун бу қийин бўлса, албатта, Бахмутни қўлга олишда асосий рол ўйнаганларни қолдирамиз”, — деб таъкидлайди Пригожин.

Видеода у жангчиларга кўрсатмалар берди ва "ҳарбийлар учун бу вазифа мураккаблик туғдирса" иккита бўлинмани қолдиришини маълум қилди. Унинг сўзларига кўра, 1 июн куни жангчиларга янги вазифалар юкланади.