Президент мактабига кириш учун имтиҳон топшираётган 45 ёшли "қизалоқ"қа изоҳ берилди. Таъкидланишича...

Президент мактабига кириш учун имтиҳон топшираётган 45 ёшли "қизалоқ"қа изоҳ берилди. Таъкидланишича...

Бундан бироз аввал ижтимоий тармоқларда “Президент мактаби"га ўқишга кириш учун имтиҳон топшираётган 45 ёшли "қизалоқ"! номли хабар тарқалди. Ушбу ҳолат юзасидан Президент таълим муассасалари агентлиги Ахборот хизмати ўз муносабатипи билдирди.

Муносабатда келтирилишича, мазкур ҳодиса юзасидан тушунмовчиликнинг олдини олиш мақсадида қабул комиссияси аъзолари иштирокида ота-оналар томонидан танланган вакиллар имтиҳон жараёнларига киритилган.

Ўрганиш натижасида ушбу ўқувчи Тошкент шаҳридаги мактаблардан бирининг 4-синф битирувчиси А.Ф. эканлиги аниқланди ва вакилларга исботлаб берилган.

Хабарда қайд этилишича, Президент таълим муассасалари агентлиги Ахборот хизмати томонидан ота-оналардан иборат вакилларнинг имтиҳон жараёнларида иштироки видео-тасвирга ёзиб олинган.

Блогер ва ижтимоий тармоқ фаолларидан нохолис хабарларни тарқатмасликни сўраймиз, дейилади хабарда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!