Озода Нурсаидова концерт беради

Озода Нурсаидова концерт беради

Ўзбекистондаги телеканаллар ва радиоларда қўшиқлари берилмаётганига 10 йилдан ошган хонанда Озода Нурсаидова жорий йилнинг 27 октябрь куни Тожикистон пойтахти Душанбеда гастроль концерт дастурини тақдим этади.
 
Ўзбекистондаги энг сўнгги концертини 2006 йилда тақдим этган хонанда ўшандан буён неча бор концерт тақдим этишга ҳаракат қилди. Бироқ, концертлар номаълум сабабларга кўра бекор қилинди. Хонандага рухсат теккани йўқ.
 
Марказий Осиё мамлакатлари, хусусан, Қозоғистон ва Тожикистонда Нурсаидованинг мухлислари талайгина. Қолаверса, Ўзбекистондан кетган мингрантлар ҳисобига Россия ва Туркияда ҳам унга талаб катта.
 
Жорий йилнинг 1 апрель куни Озода Нурсаидова Туркияда 60 кишилик оркестр билан жонли ижродаги концерт дастурини тақдим этди. Қолаверса, хонанда “Фарқи йўқ” номли янги қўшиғига ҳам Истанбул шаҳрида клип суратга олдириб қайтганди.
 
Озоданинг гастроль концертлари билан боғлиқ муаммолар йўқ. Аммо унинг мамлакатдаги ижоди қаршисида ҳамон тўсиқлар бордек. У Ўзбекистон халқ артисти Юлдуз Усмонова билан бир вақтда тақиққа тушганди. 

Manba: qalampir.uz

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!