Нурафшонда "наркотўда" қўлга тушди

Нурафшонда "наркотўда" қўлга тушди

❗️ Айримлар ҳалол ишлаб, пешона тери билан оила боқади. Аммо бировнинг боласини ажал томон етаклаб, миллат ёшларини заҳарлашни ўзига касб қилиб олганлар ҳам бор орамизда.

🟢 Замон ривожлангани сари, жиноятлар ҳам, жиноятчилар ҳам замонавийлашиб бормоқда. Яқинда ҳуқуқ-тартибот органлари Нурафшон шаҳрида “Телеграм” мессенжери орқали синтетик гиёҳвандлик моддалари савдоси билан шуғулланувчи кичик наркотўдадни ашёвий далиллар билан қўлга олди.

🌐 Муқаддам судланган бўлса-да, тўғри йўлга қайтмаган 1988 йилда Тошкент вилоятида туғилган Д.А. мунтазам турли хилдаги синтетик гиёҳвандлик моддаларни тайёрлаш, қадоқлаш ва сотув учун етказиб бериш билан шуғулланиб келган.

⚠️ Нурафшонлик 1995 ва 1998 йилларда туғилган икки нафар ёш эса тайёр гиёҳванд моддаларини етказиб бериш ва сотиш ишларини "дўндириб" келишган. Ўзларини "бизнесмен", деб керилиб юришган.

✅ Аммо кечагина енгил пул топиб "кайф" қилиб юрганлар, бугун темир панжаралар ортида афсус чекишмоқда. Огоҳ бўлинг ёшлар!


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!