Нима учун дунёнинг юқори даражадаги разведкачилари Сингапурда яширинча йиғилишди?

Shangri-La Dialogue хавфсизлик форуми билан бир қаторда Сингапурда 20 га яқин давлатнинг юқори мартабали разведка ходимларининг махфий учрашуви бўлиб ўтди, дея хабар беради Reuters манбалари.

Учрашувда АҚШ Миллий разведкаси директори Аврил Хейнс ва Ҳиндистон разведкасининг тадқиқот ва таҳлил бўйича директори Самант Гоел ҳам бор эди. АҚШ билан зиддиятга қарамай, йиғилишда Хитой вакили ҳам бор эди, лекин Россия Федерацияси вакили йўқ эди.

Reuters манбаларига кўра, бундай тадбирлар томонларнинг ниятлари ва улар интилаётган натижаларни тушунишга ёрдам беради. Учрашувлар Сингапур томонидан кўп йиллардан буён уюштирилиб келинмоқда, бироқ бу ҳақда аввал хабар берилмаган, дейди манбалар.

АҚШнинг Сингапурдаги элчихонаси воқеа ҳақида ҳеч қандай маълумотга эга эмаслигини айтди. Хитой ва Ҳиндистон ҳукуматлари изоҳ бермади. Сингапур Мудофаа вазирлиги вакили фақатгина барча форум иштирокчилари, жумладан, разведка хизматларининг юқори мартабали амалдорлари ҳам “ўз ҳамкасблари билан учрашиш имкониятидан фойдаланишларини” таъкидлади.

Шангри-Ла диалоги 2002 йилдан буён ўтказиб келинмоқда. Бу Осиё-Тинч океани минтақасидаги энг йирик хавфсизлик форумидир. Ташкилотчи - Лондонда жойлашган Халқаро Стратегик Тадқиқотлар Институти.