Нетаняху «тўлиқ ғалаба»га ваъда берган Ғазо ҳужумларида 121 фаластинлик ўлдирилди

Нетаняху АҚШдан Фаластинга ҳужум учун ёдам сўраётган бир пайтда, босқинчилар Ғазода 100 дан ортиқ мусулмонларни қириб ташлади.

Ҳужумлар Бенямин Нетаняху АҚШга келганида содир бўлди. У АҚШдан Фаластинга ҳужумни қўллаб-қувватлашини кучайтиришни сўрамоқда.

Исроилнинг Ғазо жанубидаги одамларга уч кунлик ҳужуми оқибатида камида 121 фаластинлик ҳалок бўлди ва яна ўнлаб одамлар яраланди.

Аввалроқ фаластинликлар учун «хавфсиз бошпана» деб аталган Хон Юнисни қуруқликдан қилинган ҳужум Ғазодаги энг қонли жанг майдонларидан бирига айлантирди.

Хон Юнисдаги ҳаво ҳужуми оқибатида бир неча фаластинлик ҳалок бўлган бинолар орасида вақтинчалик бошпана сифатида фойдаланилаётган мактаб ҳам бор. Босқинчи Исроил ҳарбийлари Ғазода шу пайтгача 39 143 фаластинликни ўлдирди ва 90 257 кишини майиб қилди.

Ҳалок бўлганлар орасида 16 172 нафар бола бор. Исроилнинг босиб олинган Ғарбий соҳилдаги тунги босқинлари кенг кўламли ваҳима уйғотди, чунки ҳарбийлар Фаластин биноларини портлатиб юбормоқда.