Навоийда фермер ногирон аёлни ИИБ ходимларига урдиргани ростми? Аниқлик киритилди

Навоийда фермер ногирон аёлни ИИБ ходимларига урдиргани ростми? Аниқлик киритилди

Ижтимоий тармоқларда “Хатирчи тумани, Учқара МФЙда яшовчи фуқаролар томонидан фермер бир ногирон аёлни участка нозирларига урдирди” номли мақола эълон қилинди.

Аниқланишича, фуқаролик ишлари бўйича Хатирчи туман судининг 10.03.2021 йилдаги “Н.Ч.Б” фермер хўжалигига тегишли бўлган 162-контурдаги ўзбошимчалик билан фуқаро Т.Т томонидан эгаллаб олинган 1.0 гектар токзор ер майдонидан мажбурий тартибда чиқариш бўйича қарори чиқарилиб, ижрога қаратилган.

Шунингдек, жорий йилнинг 2 июль куни Хатирчи тумани, Учқора МФЙ ҳудудида “Н.Ч.Б” фермер хўжалиги раиси Ч.Н фуқаро М.Т ва бошқалар билан ўзаро жанжаллашиб, бир-бирларини камситувчи сўзлар билан ҳақорат қилиб, тан жароҳати етказган.

Ҳолат юзасидан туман ИИБ томонидан терговга қадар текшириш ҳаракатлари ўтказилиб, Маъмурий жавобгарлик тўғрисидаги кодекснинг 41-моддаси ва 52-моддаси 2-қисми билан маъмурий иш қўзғатилиб, тўпланган ҳужжатлар жиноят ишлари бўйича туман судига юборилган ва суднинг қарорига асосан жарима жазоси тайинланган.

Бундан ташқари, жорий йилнинг 20 август куни “Н.Ч.Б” фермер хўжалиги раиси Ч.Н ер майдонидаги узум маҳсулотларини йиғиштириб олиш мақсадида борган вақтида, фуқаро Т.Тнинг ўзи бўлмасада, турмуш ўртоғи М.Т ва унинг ўғли У.Тлар ўзбошимчалик билан фермерга тегишли бўлган узум маҳсулотларини йиғиб, хирмонга ёйиб қўйганлигини кўриб, туман ИИБ ҲПБ профилактика инспекторига қўнғироқ қилиб, узум ҳосилини олиб кетишда жанжал бўлиши мумкинлиги ҳақида огоҳлантириб, вазиятни айтганлиги сабабли туман ИИБ ҲПБ профилактика инспекторлари воқеа жойига етиб боришган.

ИИБ ҲПБ профилактика инспекторлари хирмондаги маҳсулотларни далолатнома расмийлаштираётган вақтида фуқаро М.Т қўлига таёқ кўтариб келиб, фермер хўжалиги раиси Ч.Нни ўрмоқчи бўлган вақтида профилактика инспектори уни қайтариб қолиш учун қўлидан ушлаб, таёғини олиб қўйганлиги аниқланган.

Ҳозирда ИИБ ходимларининг хатти-ҳаракатларига қонуний баҳо бериш мақсадида Хатирчи туман прокуратураси томонидан терговга қадар текшириш ҳаракатлари олиб борилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!