Месси "Барселона"нинг адолатсизлиги ҳақида: "Мен бунга лойиқ эдим"

МЛСнинг "Интер Майами" клуби билан шартнома имзолаган аргентиналик ҳужумчи Лионель Месси ўзи ва "Барселона" ўртасидаги кўнгилсизлик ҳақида гапирди.

"Барселона" билан бўлган воқеа мени қийнайдими? Бироз. Мухлислар билан хайрлаша олмадим, хайрлашишим керак эди. Мен бунга лойиқман деб ўйлайман. Мендан олдин кетган ўйинчилардек. Мен ҳам худди шундай кетмоқчи эдим. Чунки кимдир мени ёмон одам деб ўйлаши мумкин - шахсан мен мухлис бўлганимда, бу мен учун ёқимсиз бўларди. Шу боис клубда яшаган, у билан бирга қувонган, азоб чеккан инсонлар билан хайрлашмоқчи бўлгандим. Мени кечиринг", - дея Мессининг сўзларини келтиради Sport.es.

Месси "Барселона"да 18 йил (2003 йилдан 2021 йилгача) ўйнади. Аргентиналик футболчи Каталония жамоаси билан 35 та соврин ютган.