МАНСАБИНИ СУИИСТЕЪМОЛ ҚИЛГАН "МАНСАБДОР" ТИЗИМДАН ЧЕТЛАШТИРИЛГАН

МАНСАБИНИ СУИИСТЕЪМОЛ ҚИЛГАН "МАНСАБДОР" ТИЗИМДАН ЧЕТЛАШТИРИЛГАН

Ижтимоий тармоқлар орқали кенг тарқалиб улгирган, “Сирдарёда ходимлари номига пластик карта очиб, уларнинг маошини ўзлаштирган мансабдорлар ушланди”, “Сирдарёда мансабдорлар ходимлар номига HUMO пластик карталарини очишиб, ходимларнинг хабардорлигисиз, иш ҳақи ва бошқа тўловлар ўтказишди... кейин ишлатиб юборишди ва пластик карталарни ходимларга «пустой» топширишди”, “Мирзаобод тумани “СЭС” мансабдорлари томонидан қарийб 40 млн. сўмга яқин бюджет пул маблағлари талон-тарож қилинди” каби кўплаб мақолалар табни хира қилди. 

-Мансабини суиистеъмол қилган мансабдорлар туфайли бугун юқорида акс эттирилган мақолаларнинг гувоҳи бўлиб турибмиз, - дейди Санитария-эпидемиологик осойишталик ва жамоат саломатлиги хизматининг Сирдарё вилоят бошқармаси бошлиғи Жўрабек Хасанов. 

Ўзбекистон Республикаси Молия вазирлигининг 2020 йил 23 мартдаги 01/12-03-34/50 сон  ва  Ўзбекистон Республикаси Соғликни сақлаш вазирлигининг 2020 йил 23 мартдаги 06-3/256 сонли қўшма хати ижроси юзасидан ходимларнинг ойлик лавозим маошига 6 фоиз миқдорида ҳар кунлик қўшимча тўловлар карантин муассасаларида ишлаган ва жалб қилинган ходимлар учун 6 фоиз қўшимча тўлов фаолият юритаётган тиббиёт,  санитария-эпидемиология ва бошқа ходимлар учун  таалуқли эканлиги  маълум қилингани  туфайли  Мирзаобод туман Санитария-эпидемиология назорат маркази ходимлари (кейинги ўринда Санитария-эпидемиологик осойишталик ва  жамоат саломатлиги хизматининг Сирдарё вилоят бошқармасининг Мирзаобод туман бўлими)нинг тегишли мутахассисларига  ҳар кунлик 6 фоиз миқдорида  қўшимча  тўлов 2020 йилнинг ноябрь ойига қадар  амалга оширилиб келинди.

2020 йилнинг март-ноябрь ойларида жалб этилган ходимларга тўланиши лозим бўлган 40 млн. (қирқ млн)га  яқин маблағ  туман бўлимининг тегишли жалб этилган ходимларга берилмасдан  туман бошлиғи ва  бош ҳисобчи билан  жиноий тил бириктириб, мансабдор ходимлар ўз номларига XUMO пластик карточка очиб, ходимларнинг хабардорлигисиз, иш ҳақи ва 6 фоиз миқдоридаги қўшимча бюджет маблағларини бошқа пластик карточкага ўтказиб олишган. Ходимларга эса бўшатилган пластик карталарни қайтариб бериб, 38 879 400 сўм  яқин бюджет маблағларини ўз эҳтиёжлари учун  ишлатиб юборишгани тўғрисида  айтиб ўтилди.

Ҳар бир раҳбарлик лавозимига тайинланаётган шахс тайёрланишдан олдин бир неча чиғириқдан ўтиши, бир неча босқичларда суҳбатдан ўтиш жараёнида, энг аввало, молиявий қонун бузилиш ҳолатларига, коррупцияга йўл қўймаслик тўғрисида огоҳлантирилган.

Ушбу ҳолатларнинг олдини олиш, молиявий қонун бузилиш ҳолатларига йўл қўймаслик ходимларнинг маошига хиёнат қилмаслик тўғрисида бошқарма бошлиғи томонидан ҳар йиғилишларда туман ва шаҳар бўлим бошлиқларининг огоҳлантирилганига қарамасдан ушбу нохуш ҳолатнинг юзага келишига сабаб бўлгани тўғрисида алоҳида қайд этиб ўтилди.   

Тизимда бундай  қўштирноқ ичидаги мансабдорларга ўрин йўқ, ҳозирги пандемия вақтида ва бундан кейин ҳам бундай қўпол қонун бузулиш ҳолатларининг оқибатлари тизимда ишлаётган барча ходимларга сабоқ бўлишини таъкидлади. 

Хулоса ўрнида айтиш жойизки, Санитария-эпидемиологик осойишталик ва  жамоат саломатлиги хизматининг Сирдарё вилоят бошқармаси ва унинг ҳудудий бўлимларида, фидоий, COVID-19 инфекцияси билан тинимсиз курашаётган ходимларимиз хам талайгина. Беш қўл баробар эмас!

Cирдарё вилояти Санитария-эпидемиологик осойишталик ва жамоат саломатлиги бошқармасининг ОАВ ва жамоатчилик билан ишлаш бўлими


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!