Макрон ва Анри Пересни кўндира олмади
Эммануэль Макрон ва Флорентино Перес Килиан Мбаппенинг Олимпиададаги иштирокини муҳокама қилишди.
Сешанба куни Парижда ФИФА ташкил топганининг 120 йиллигига бағишланган тадбир бўлиб ўтди. Байрам давомида “Реал Мадрид” президенти, Франция президенти, Франция олимпия терма жамоаси устози Тьерри Анри ва Франция футбол федерацияси раҳбари Филипп Диалло Мбаппенинг Олимпия турнирида иштирок этиш имкониятларини муҳокама қилишди.
Тахминларга кўра, Килиан "ПСЖ"дан кетганидан кейин "Реал"га ўтади, Мадрид клуби эса ўз футболчиларини Олимпиадага қўйиб юбориш ниятида эмас.
Гуруҳ муҳокамасидан сўнг Макрон ва Перес беш дақиқа давомида бу масалани якка тартибда муҳокама қилишди. L'Equipe нашрининг ёзишича, Франция президенти "Реал" раҳбарини ишонтира олмаган. Бироқ вазиятдан хабардор томонлар вазият ўзгариши мумкин, деб ҳисобламоқда.
