Мадриддаги Украина элчихонасида портлаш юз берди

Мадриддаги Украина элчихонасида портлаш юз берди

Маълум бўлишича, элчихонага юборилган хатни ичида қўлбола портловчи модда бўлган. Портлаш натижасида бир киши жароҳат олган.

Украинанинг Испаниядаги элчиси Сергей Поҳорельцевнинг маълум қилишича, элчихона ҳовлисида кам қувватли портловчи мослама ишга тушган. Мослама почта орқали юборилган пакетга жойлаштирилган ва шахсан элчи номига юборилган.

Шу билан бирга, дипломат, агар унинг қўл остидагилари эҳтиёткор бўлмаганида, портлаш оқибатлари жиддийроқ бўлиши мумкин эди, дея таъкидлади.

Украинанинг Мадриддаги элчиси хавфли пакетни ким жўнатган бўлиши мумкинлиги ҳақида тахмин қилмади, бироқ Испания расмийлари тергов ўтказиш учун барча саъй-ҳаракатларни амалга оширишга ваъда берганлигини қўшимча қилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!