Ливияда юк машинаси ёниб кетди. Қурбонлар бор
Хавфсизлик манбалари хабарига кўра, Ливия жанубидаги шаҳарлардан бирига дизел ёқилғиси олиб кетаётган юк машинасида ёнғин чиқиши оқибатида камида тўққиз киши ҳалок бўлган, 75 киши жароҳатланган.
Маҳаллий аҳоли томонидан интернетга жойлаштирилган фотосуратларда Бент Баҳиа муниципалитетининг Эдвая ҳудудидаги йўлнинг икки томонида ёниб кетган юк машинаси ва бошқа бир нечта ёниб кетган машиналарни кўриш мумкин.
Учта манба жасадларнинг ё автомобил ичида ёки ёнида ёниб кетган ҳолда топилганлигини, ярадорлар орасида оғир ҳолатдагилар бўлгани учун қурбонлар сонининг ортиши кутилаётганини айтди.
Жабрланганлар орасида юк машинаси ҳайдовчиси бор-йўқлиги ҳақида маълумот берилмаган.
Манбанинг таъкидлашича, юк машинаси ағдарилиб кетганидан сўнг, бироқ у ёниб кетишидан олдин бошқа транспорт воситаларидаги одамлар юк машинасининг бакидан ёнилғи қуйишга ҳаракат қилишган.
Ливия 2014 йилдан буён ёқилғи тақчиллигидан азият чекмоқда, мамлакат фуқаролар уруши туфайли иккига бўлинган. Кўпгина шаҳарларда фуқаролар ўз автомобилларини тўлдириш учун узоқ, баъзан соатлаб навбатда туришларига тўғри келади.
