Ким Чен Ин Жанубий Кореяни босиб олишга тайёрлигини маълум қилди
Шимолий Корея етакчиси Ким Чен Иннинг айтишича, КХДР Жанубий Кореяни ўзининг асосий душмани деб билишда давом этмоқда ва керак бўлса, уни қайта эгаллашга қодир:
"Яқинда партиямиз ва ҳукуматимиз халқимизнинг бўлиниши ва қарама-қаршилиги тарихини сарҳисоб қилди. Жанубий Корея қўғирчоқларини мамлакатимизнинг энг зарарли ва доимо асосий душмани сифатида аниқлаш ва фавқулодда вазиятлар юзага келганда уларнинг ҳудудини босиб олишга қарор қилиш миллий сиёсат сифатида мамлакатимизнинг абадий хавфсизлиги, келгусида тинчлик ва барқарорликни таъминлашнинг оқилона чорасидир ”
Бир муддат аввал Ким Чен Ин Шимолий ва Жанубий Кореяни тинч йўл билан бирлаштириш варианти энди кўриб чиқилмаётганини айтган эди. У жанубий қўшнини КХДРнинг асосий душмани сифатида тан олиш, бу мамлакат аҳолисини ватандош демаслик, Жанубни куч билан эгаллаш мумкин, деб ҳисоблаш таклифи билан чиқди.
