ЖССТ: Грипп эпидемиясидан кўпроқ кексалар ва болалар азият чекмоқда

ЖССТ: Грипп эпидемиясидан кўпроқ кексалар ва болалар азият чекмоқда

🩺 Шу кунларда дунёнинг қатор давлатларида мавсумий эпидемиялар авж олмоқда. Хусусан, Европа соғлиқни сақлаш тузилмалари минтақада кенг тарқалаётган грипп хасталигидан хавотирда. Энг ёмони, бу ҳолат коронавирус пандемиясининг шиддатли тўлқини билан бирга кечяпти.

📑 Шундан келиб чиқиб, Жаҳон соғлиқни сақлаш ташкилоти ҳамда Европа соғлиқни сақлаш идоралари вакиллари қўшма баёнот эълон қилди.

▶️ “Минтақамизда грипп вирусининг “А” ва “B” турлари циркуляцияси аллақачон кучайган. Эпидемия асосан кексалар, сурункали хасталикларга чалинган кишиларда оғир асоратларни келтириб чиқармоқда. Қолаверса, инфекция мактаб ёшидаги болалар саломатлигига ҳам хавф соляпти”, — дейилади ҳужжатда.

📊 Қайд этилишича, Европада жорий йилнинг октябрь ойидан буён шифохонага ётқизилганлар сони муттасил ўсиб бормоқда. Грипп ташхиси билан госпитализация қилинганларнинг қарийб ярми 55 ёшдан ошган беморлардир.

🔬Бундан ташқари, “кўҳна қитъа”даги 23 давлат касалхоналарида муолажа олаётганларнинг 85 фоизида гриппнинг “B” тури аниқланган.

Таҳлилларга кўра, бу турдаги вирусдан тўрт ва ундан кичик ёшдаги болалар кўпроқ зарар кўриши тиббий амалиётда қайд этилган. Қолаверса, Европанинг 20 та давлатида респиратор синситиал вирусларнинг фаоллашгани кузатилмоқда.

“Эҳтиёткорликни йўқотмаслик керак. Минтақа бўйлаб эмлаш дастурларини янада кучайтиришимиз зарур” — дейилади қўшма баёнотда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!