Жорий йилнинг 1-чорагида истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 1832 та маъмурий иш расмийлаштирилди

Жорий йилнинг 1-чорагида истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 1832 та маъмурий иш расмийлаштирилди.

АОКАда ўтказилган брифингда "Ўзэнергоинспекция" ахборот хизмати раҳбари Наврўз Норбобоев энергетика тизимида қонун ҳужжатлари ижроси ва энергия ресурсларидан ноқонуний фойдаланиш ҳолатлари ҳақида маълумот берди:

Жорий йилнинг биринчи чорагида “Ўзэнергоинспекция” томонидан ҳуқуқни муҳофаза қилувчи органлар ва электр ҳамда газ таъминоти корхоналари мутахассислари билан ҳамкорликда ўтказилган назорат тадбирларида 2 629 та истеъмолчи томонидан табиий газ ва электр энергиясидан ноқонуний фойдаланиш ҳолатлари аниқланди.

Хусусан: 111,4 млн метр куб табиий газ (167 млрд 100 млн сўм) ва
111,2 млн киловатт-соат электр энергиясидан (166 млрд 700 млн сўм) ноқонуний фойдаланилиши натижасида давлат манфаатларига жами 333 млрд 800 млн сўм зарар етказилганлиги маълум бўлди.

Электр тармоқларининг муҳофаза зоналарига ноқонуний равишда қурилган 9 544 та объект хатловдан ўтказилиб, 8 266 та объект бўйича далолатномалар расмийлаштирилиб, 1 530 та объектнинг ҳужжатлари суд органларига тақдим этилди. 402 та объектга нисбатан тегишли чоралар кўрилган.