Жанубий Корея 9 июнь куни Шимолий Кореядан учирилган 310 та чиқинди шарини ҳисоблади
Маҳаллий вақт билан 9 июндан 10 июнга ўтар кечаси Шимолий Корея Жанубий Корея ҳудудига чиқинди билан тўлдирилган 310 га яқин ҳаво шарларини учирди. Бу ҳақда Корея Республикаси Қуролли кучлари штаб бошлиқлари қўмитасига таяниб, Ёнҳап агентлиги хабар берди .
«Айни дамда ҳавода ҳаво шарлари йўқ. Уларга ахлат - чиқинди қоғоз ва полиетилен пакетлар ортилган. Ҳозирча таҳлилларга кўра, хавфли моддалар аниқланмаган», - деди Жанубий Корея ҳарбийлари.
КХДР етакчисининг синглиси Ким Ё Чен аввалроқ таъкидлаганидек, 8 июндан 9 июнга ўтар кечаси КХДР 1400 та ҳаво шарлари ёрдамида чегарадан Жанубий Кореяга 7,5 тонна қоғоз чиқиндисини жўнатган. «Режага кўра, 9 июнь куни жавобимизни тўхтатиш эди, бироқ вазият ўзгарди», деди у якшанба куни чегарада Жанубий Корея овоз кучайтиргичлари қайта ишга туширилганига таяниб.
