Жаҳон чемпионати-2022 бир кун олдин бошланади

Жаҳон чемпионатининг илк ўйини 21 ноябрдан 20 ноябрга кўчирилади. Бу ҳақда FIFA хабар тарқатди.

Жаҳон чемпионатининг бошланиши бир кун олдин ўтказилиши Қатарга биринчи ўйинда Эквадор билан ўйнашга ва биринчи ўйинда мезбон мамлакат анъанасини давом эттиришга имкон беради.

Чемпионатнинг илк ўйини маҳаллий вақт билан 20 наябрь куни 21:00 да бошланади.

Футбол бўйича жаҳон чемпионатини ўтказиш ташкилий қўмитаси томонидан илгари сурилган ўйинлар жадвалидаги мазкур ўзгаришлар FIFAнинг тегишли Кенгаши йиғилишида тасдиқланмоғи лозим.