“Jaguar” электр транспорт воситалари ишлаб чиқаришга ўтмоқда

Британиянинг “Jaguar Land Rover” автомобиль ишлаб чиқарувчиси 2025 йилга қадар тўлиқ электр транспорт воситалари ишлаб чиқаришга ўтади. Бу ҳақда ТАСС компаниянинг баёнотига асосланиб ёзмоқда.

Маълум қилинишича, компания ўз баёнотида ҳашаматли электромобиллар ишлаб чиқариши кераклигини таъкидлаган ва сотиладиган “Land Rover” автомобилларининг 60 фоизида 2030 йилга қадар электр қувват агрегатлари бўлишини қайд этган.

Компания, шунингдек, беш йил ичида олтита электр “Land Rover” моделини тақдим этишга ваъда берган.