Италияда 10 ёшли қизнинг ўлимидан сўнг TikTok тақиқланди
Италиянинг шахсий маълумотларни ҳимоя қилиш идораси TikTok ижтимоий тармоғининг барча италиялик фойдаланувчиларининг ёшини аниқ аниқлаб бўлмайдиган аккаунтларини вақтинча блоклаб қўйди, деб хабар беради РБК.
Чеклов 15 февралгача давом этади. Тақиққа Палермода 10 ёшли қизнинг ўлими сабаб бўлди. Қиз TikTok'да машҳурликка эришишни ният қилган бўлиши мумкин.
Тафсилотларга кўра, Италиянинг La Repubblica газетасининг ёзишича, қариндошлари қизни ҳаммомда ҳушсиз ҳолда топишган. Бола оғир аҳволда касалхонага ётқизилди, шифокорлар уни қутқара олмадилар. Тахминларга кўра, қиз ўз-ўзини бўғишни акс эттирган челленжда қатнашган. Италия прокуратураси ўз жонига қасд қилиш тўғрисида иш очди.
TikTok маъмурияти вакили эса ўзларининг ижтимоий тармоқларида бундай челенж йўқлигини таъкидлади. "Биз хавфли бўлиши мумкин бўлган хатти-ҳаракатларни рағбатлантирадиган ёки тарғиб қилувчи ҳар қандай челленжга йўл қўймаймиз", деди у.
Ижтимоий тармоқ марҳумнинг яқинларига ҳамдардлик билдирди ва унинг ўлими ҳолатларини текширишда ўз ҳиссасини қўшишга тайёрлигини билдирди.
