Испанияда ўрмон ёнғинлари авжига чиқмоқда

Европада бу йилги қурғоқчилик ўрмон ёнғинларининг авж олишига сабаб бўлмоқда.

Яқинда Франция ўрмонлари олов исканжасида қолаётгани ҳақида хабар тарқалган эди. Энди Испанияда ҳам ҳаво ҳарорати кескин юқорилаб кетгани маълум қилинмоқда. Бу эса мамлакат ўрмонларига ёнғин офати ёпирилишига сабаб бўлмоқда. Euronews канали хабар қилишича, ҳозиргача оловли офат 250 минг гектар экин майдонини нобуд қилган.

Аликанте провинциясида ёнғинларни назорат остига олишнинг иложи бўлмаяпти. Офатни бартараф қилишга ҳарбийлар ҳам жалб қилинган.

Валь-де-Эбо туманида ёнғин 3,5 минг гектар ўрмонни кулга айлантирди. Ўтган якшанба куни хавфли жойлардан 1 минг 200 киши кўчирилган. Сарагоса провинциясининг Аньон-де-Монкайо туманидан ҳам бир ярим минг киши хавфсиз жойга олиб чиқилди.

Ёнғинлар ҳатто, Европанинг Буюк Британия каби совуқроқ ҳудудларига ҳам тарқалмоқда. Душанба куни Суррей графлигида уй ёниб кетди. Ёнғин ўчирувчилар уй ҳайвонларини аранг қутқариб қолган.